Ginpasalamatan sang isa ka iloy ang Bombo Radyo Bacolod kag ang mga kapulisan nga nagbulig sa iya agud nga makita ang iya bata nga apat na kaadlaw nga nadula.
Halin sa Mabinay, Negros Oriental ang mag-asawa nga nagpadulong sa ciudad sang Bacolod agud nga pangitaon ang ila nga anak.
Sa interview sang Bombo Radyo Bacolod kay Merlyn Bustamante, naglakat sang Hwebes ang ila anak apang wala naglisensya.
Suno kay Bustamante, may yara sila sang kasilingan nga nagpanugid sa iya nga ang ila anak ang naglakat padulong sa bus.
Dugang pa sini nga may nakapanugid man nga nagsakay sa bus ang ila bata padulong sa ciudad sang Bacolod agud nga pangitaon ang nobya sini.
Suno sa iloy ang iya anak kag ang ginapahayag nga nobya sini ang madugay naman nga magkarelasyon kag nakita naman sini ang babayi.
Nagpabulig man sila sa pagpangita sa umagad sang magulang sang bana sini nga yara sa ciudad sang Bacolod sa pagpangita sa ila anak.
Ulihi nga impormasyon nga nakuha sang mga ini nga impormasyon nga nagakaon ini sang burger sa 13 y media sa ciudad sang Bago kag nabilin sini ang iya nga cellphone.
Ginpablotter nila sa Kabankalan City Police Station ang pagkadula sang iya anak kag nagderekta sa ciudad sang Bago kag nagpablotter man didto.
Gin-abisuhan man siya sang mga police sa ciudad sang Bago nga makig-angot sa Bombo Radyo Bacolod agud nga mapanawagan ang pagkadula sang iya anak.
Tuman ang pasalamat sini nga may nakakita sang iya anak sa Barangay Granada apang nagapanaka naka sang balay kag ginalantaw nga mahimo nagutman ini.
Suno sa iloy nga ang iya anak ang nagsuprer sadto sang Typhoid kag kun magutuman ini lain na ang paghulag sini.
Nagapasalamat ini nga bisan nga nagpanaka naka ang iya bata wala ginlampusan sang tag-iya sang balay.
Ang bata sa karun ang nakatumar naman sang bulong kag ginpatulog man agud nga makapahuway kag maumpawan.
Nagpangayo man sang pasaylo ang bata sa iya iloy kag amay nga naglakat nga wala naglisensya.
