Gintampukan na sang contractor ang guba nga dalan sa Cegasco Street, Prk Busay, Brgy Cabug, Bacolod City kun diin nabungguan sang minivan ang tricycle nga may apat ka pasahero nga nagresulta sa kamatayon sang isa ka babayi.
Ang driver sang van amo si Erwin Tajonera kun sa diin sang naglabay siya sa guba nga dalan hinali lang siya nadulaan sang kontrol kag nabungguan ang nakasugata nga tricycle nga ginamaneho ni Freddie Musni kag sakay ang mga pasahero nga sanday Joel Castro, Josephine Mendoza, kag Candelaria Heponia kag ang asawa ni Freddie nga si Arasili Musni nga napatay.
Suno kay Bacolod City Engineers Office Head Engineer Loben Seballos, wala pa natapos kay-o ang dalan bangod mas ginpili nga unahon ang pagbutang sang drainage sa area kag ginpa-ulihi ang construction diri sa ginalauman nga makatuga ini sang mabug-at nga trapiko sa bahin sang intersection.
Ginpatampukan na sang MKU Construction and Supply ang dalan kag may ginbutang na nga mas dako nga signage sa area.
