Para kay Bayan Muna chairperson Atty. Neri Colmenares nangin madinalag-on ang ginpatigayon nga oral arguments sa Korte Suprema angot sa pagtransfer sang P89.9 billion nga excess funds sang Phillippine Health Insurance Corp. (PhilHealth) sa national treasurey.
Sa interview sang Bombo Radyo Bacolod kay Colmenares, wala nagsunod sa layi ang PhilHealth nga basta may revenue dapat ibutang ini sa reserved funds kag kun may sobra pa, ini naman ang ihatag bilang serbisyo sa mga miyembro.
Suno diri, ang accumulated revenue sang PhilHealth ang yara sa P464.29 billion kun sa diin P280 billion ang reserved funds kag ang nabilin diri imbes nga ihatag sa mga miyembro, ini ang ila gin-invest.
Suno kay Colmenares, dapat unahon ang layi kag ideretso sa tawo ang kwarta kag indi na maglabay pa sa bulsa sang pulitiko sa ginapatihan nga ini magaresulta pa sa dako nga problema.
Kahapon, sa oral argument nga ginpatigayon, ginduso sini sa korte suprema nga dapat matun-an ang ginhalinan kag resulta sa natabo nga ginbutang sang PhilHealth ang pondo sa mga unprogrammed funds.
Bantayan naman ang masunod nga oral argument angot sa excess funds sang PhilHealth sa Perbreo 25.
