Bagsak ukon failure ang ginhatag nga ratings ni Bayan Muna Executive Vice President Atty Carlos Isagani Zarate sa ikalima nga State of the Nation Address (SONA) ni President Ferdinand “Bongbong” Marcos Jr.
Ini sa panindugan nga sa apat ka tuig na nga pagpamuno sa pungsod, si Marcos ang wala gid sang napatuman nga substantial ukon systemic nga pagbag-o sa panggobyerno, ukon ginpadayun lamang sini ang mga kapalpakan sa administrasyon gikan pa sa iya amay nga si late Ferdinand Marcos Sr.
Suno diri, nagaduging gihapon ang liberalization kasubong man ang privitization sang pila ka government-owned businesses.
Dugang pa sini nga utang lamang nga utang ang ginahimo sang gobyerno.
Suno diri, ang mga programa kaangay sang ayuda ang pahamot lamang ni Marcos, kag ang revenue sang pungsod gikan sa taxes ang indi makasustiner sa ayuda.
Suno diri kun may P8 trillion budget ang pungsod, P4 trillion lamang ang gikan sa revenue sang pungsod, kag ang katunga ang gikan na sa ayuda.
Kalakip diri ang pagtanyag sang P20 per kilo nga bugas nga tuman ka limitado ang malab-utan kag limitado man ang mahatag.
Suno diri, dapat bag-uhon na ang polisa nga nakasandig lamang sa importasyon.
Pahayag ni Zarate nga sa pagbaha sang imported rice, naga-antos naman ang local rice farmers.
Panindugan sini nga dapat maghimo sang sustainable kag long term nga programa, bangod segurado ini nga ang P20 per kilo rice program ang indi sustainable kag indi na mapadayun sa masunod nga administrasyon.
Pabor man si Zarate nga hatagan sang tax exemption ang mga mamumugon, sa baylo dapat pataasan ang buwis sang mga dalagko nga kapitalista kag oligarchs.
