Nagapati ang miyembro sang Bayan Muna nga mahimo nakita sang Commission on Election (Comelec) ukon mandato gikan sa ibabaw, ang pagpa-untat sa proceedings may kaangtanan sa people’s initiave bangod ini ang tuman ka premature.
Sa interview sang Bombo Radyo Bacolod kay ACT Teachers Partylist Rep. France Castro, welcome sa Bayan Muna ang pagpauntat sang Comelec sa ila nga pagbatun sang signature campaign para sa tinutuyo nga amendment sa konstitusyon.
Ginalantaw sini nga mahimo namati si Comelec Chairman George Garcia sa mga panawagan sang mga law experts, nga tuman ka premature ang pagbatun sang pirma.
Ini bangod wala sang petisyon gani indi man makapanaog sang instruction gikan sa ibabaw, nga nadugangan pa sa kakulangan sang maathag nga layi ukon basihan sa kun paano ang pagpatigayon sang people’s initiative.
Suno sa kongresista, nakabatun ini sang impormasyon nga ibalik sang Comelec ang pirma bangod ini ang wala sang kaupod nga petisyon.
Pahayag sini nga bisan si President Ferdinand “Bongbong” Marcos Jr. ang nagpahayag nga nagalibog ang ulo kun people’s initiative ukon constitutional convention ang nagakaigo nga tikang antes mapatigayon ang charter change.
Ginalantaw ni Castro ang posibilidad nga ang desisyon sang Comelec ang mahimo mandato gikan sa Malacañang bangod nakita nga ini ang nagatuga lamang sang division sa mga tawo.
