Ginpamatokan sang Bayan Muna Partylist ang ginaduso nga term extension sang Brgy Offcials paagi sa Charter Change.
Sa interview sang Bombo Radyo Bacolod kay Bayan Muna Executive Vice President Atty. Carlos Isagani Zarate, madugay na nga ginarason sang mga pulitko nga kun madugangan ang ila nga termino mas mahatagan sila sang kahigayunan nga matapos ang ila ginsuguran nga mga proyekto.
Suno diri, indi issue kun tatlo lang ka tuig ang serbisyo sang Brgy official nga may naumpisahan na nga proyekto bangod nga kun makita sang tawo ang husto nga serbisyo sini, ila ini liwat nga pilion nga ibutang sa posisyon.
Dugang pa sini, wala sa gihapon sang pulos kun hatagan sang anum ka tuig nga termino ang mga opisyales kun ang trabaho nila ang para lamang sa ila interes.
Nagpahayag man ini nga indi man mahimo nga ipostpone ang elections sang brgy kag SK officials nga daw kaangay nga gina-extend ang ila termino.
Samtang, nagapati naman si Zerate nga kun may attempt na nga i-extend ang termino sang brgy officials, posible ini ang liwat nga iduso tubtob sa presidential position.
