Ginpangunahan ni President Ferdinand “Bongbong” Marcos Jr. ang paglunsyar sang Bayanihan Estero Program nga isa ka inisyatibo sang gobyerno agud tinluan kag pabaskugon ang flood control efforts sa Metro Manila.
Personal nga gin-inspection ni Marcos ang pagpanglimpyo sa Buli Creek sa Barangay Pinagbuhatan, Pasig City sang Sabado, Agosto 2.
Suno sa presidente importante ang pag-isa sang tanan bangud nga bisan pa manami ang mga ginapatukod nga flood control projects, indi ini mangin epektibo kun barado ang mga estero.
Magluwas sa pagpanglimpyo, nalakip man sa nasambit nga inisyatibo ang desiltation kag watershed development.
Nagalaom naman si Marcos nga adoptaron ini sang iban pa nga civil society groups agud masolusyonan na ang problema sa pagbaha sa pungsod.
