(Update) BACOLOD CITY — Malinong ang ciudad sang Bacolod kag kidnapping-free sa karun ang Visayas rason nga diri nagpanago ang suspek nga may koneksyon sa ginatudlo nga drug lord sa Eastern Visayas nga si Kerwin Espinosa nga gindakop sang PNP Anti-kidnapping Group Visayas.
Ini ang paglantaw ni Police Senior Supt. Roldan Luna, head sang PNP AKG Visayas sa kaso ni Victor L. Espina Jr., 54-anyos, sang Sitio Kamibuan, Brgy. Tambulilid, Ormoc City nga nadakpan sa Prk. Hollowblocks, Brgy. Singcang Airport, Bacolod City.
Suno kay Luna, humalin pa sang Pebrero ang ila monitoring kay Espina kag nahisayran nga nagasub-contract ini sang mga proyekto sang gobyerno sa Negros Island.
Si Espina ang nagapangatubang sang kaso nga kidnapping for ransom kag wala sang pyansa para diri.
Suno sa Anti-Kidnapping Group, apat ka mga Korean nationals ang gin-kidnap ni Espina sadtong Enero 22, 2015 sa Barangay Maytunas, San Juan City, Metro Manila.
Kaupod sini nga nadakpan sang Marso 6 ang isa ka Korean national nga ginkilala kay Jon jung ji sang Taguig City.
Si Espina ang bayaw ni retired PNP Deputy Director General Leonardo Espina kag ginkasuhan sang Albuera Municipal Police Station sadtong tuig 2016 sa Regional State Prosecutor’s Office sa Tacloban City bangud sa koneksyon sa mga Espinosa.
Ang misis ni retired PNP Deputy Director General Espina ang nagaapelyido man sang Espina.
