Nangin generally peaceful ang pagpatigayon sang siyam ka adlaw nga Simbang Gabi sa ciudad sang Bacolod.
Sa interview sang Bombo Radyo Bacolod kay P/Lt. Col. Ariel Pico, spokesperson sang Bacolod City Police Office, ginpahayag sini nga nagapasalamat sila nga nangin matawhay kag wala sang may narekord nga major problems sa pagselebrar sang Paskwa.
Suno kay Pico, nalab-ot gid sang BCPO upod ang napulo ka mga police stations ang ila nga objective nga zero incident.
Nagapasalamat man ang tagpamaba sa publiko bangud kadamuan sa mga ini ang nagasunod kag nagakooperar gid sa ginapatuman nga health protocols.
Ginkumpirmar man ni Pico nga wala man sang may narekord nga insidente sang akyat bahay.
Suno sa iya, isa sa pinakamanami nga regalo subong nga Paskwa amonga napabilin ang kalinong kag katawhayan sa Bacolod.
