Ginpasalamatan sang city director sang Bacolod City Police Office ang katapo sang Bacolod City Drugs Enforcement Unit kag kooperasyon sang komunidad matapos makumpiskar ang P18 million nga balor ukon 15 kilograms sang high grade marijuana kush ang narecover sa isa ka lalaki sa Gardenville Subdivision, Brgy Tangub, Bacolod City, Martes, Nobyembre 17.
Ginkilala ang nadakpan kay alyas Tol kag nagapuyo sa Barangay Tangub, Bacolod City.
Sa interview sang Bombo Radyo Bacolod kay Police Col. Eugene Rebadomia, gina-commend sini ang CDEU bangud sa natigayon nga makumpiskar ang high grade Marijuana Kush.
Suno kay Rebadomia, ang modus sang pagpadala sang nasambit nga illegal nga druga ang gina-package kaangay sang parcel kag ginapadala paagi sa delivery services.
Dugang sang city director nga ang nadakpan ang anum ka bulan ang ila ginpatigayon nga casing kag monitoring bangud nagasaylo-saylo ini sang ginrentahan nga balay.
Mensahe ni Rebadomia sa mga pumuluyo nga kun may nakita nga makaduluda sa ila nga lugar gilayon nga magreport sa mga otoridad.












