Ginalantaw nga challenge sang mga kapulisan sa ciudad sang Bacolod nga magtrabaho sang eksakto sa baylo nga magsulod sa ilegal.
Ini matapos ginhingadlan ni Interior Secretary Jonvic Remulla nga protektor sang illegal cigarette manufacturing sa Bago City kag sang illegal e-sabong operator sa Talisay City si Police Major Edgar Tonico, ang pinuno sang Criminal Investigation and Detection Group (CIDG) – Bacolod.
Sa interview sang Bombo Radyo kay Bacolod City Police Office Director PCol Eugene Rebadomia, ginamanduan sini ang mga station commander sa hugot nga pagmonitor kun sin-o man ang kapulisan nga posible involved sa ilegal nga aktibidad sa ciudad.
Nagalaum ang BCPO Director sa mga police personnel nga indi pagpanubu-on kag protektahan ang pangalan sang PNP.
Mensahe sini sa mga kapulisan nga ipadayon ang maayo nga pagserbisyo sa ciudad kag ikonsiderar nga challenge nga pag-atubang sang PNP sa mga issue kaangay sang involvement sa illegal nga mga aktibidad.
Pahayag sini bukas ang ila kaupdanan sa bisan ano nga imbestigasyon inkaso nga may involved sa kaangay nga transaksyon.
