Ginpahayag sang City Director sang Bacolod City Police Office nga normal lang man mag-inquest sang kaso bisan ano nga oras.
Madumduman nga sang Biyernes, may nagluntad nga aksidente sa dalan sa Barangay Mansilingan, Bacolod City, kun sa diin ang driver sang dump truck nga si Romer Estrada, 51 anyos, nagabyahe sa crossing padulong sa Land Transportation Office kun sa diin parehas man sila sang lane ni retired Police Brig Gen Lope Ma U Lim nga nagadala sang big bike.
Si Lim, ang ulihi nga nagserbe sa Sorogon bilang Regional Internal Affairs Office 5 Director.
Nag-untat si Estrada kag ginhulat nga makalabay ang wing van nga gikan sa pihak nga dereksyon.
Apang sang siya ang magaliko na, hinali nga naglusot ang retired PNP general nga yara na sa opposite lane gani nabunggo ini sa piyertahan sa driver side sang dump truck.
Nagpahayag si Estrada nga may inisyal nga settlemet sa Bacolod Police Station 7, apang siya ang wala ginbuy-an bangod kinahanglan tapuson ang 12 oras nga reglementary period.
Sang gab-i, kapin alas- 11:30 sang gab-i siya ang ginderetso sa Hall of Justice kag ginpasakaan sang kaso nga “Reckless Imprudence Resulting to Physical Injury and Damage to Property.”
Sa interview sang Bombo Radyo Bacolod kay Police Col. Joeresty Coronica, kun napasaka ang kaso sa prosecutors office nagapakita lang ini nga nag-agi sa husto nga proseso ang tanan.
Suno diri, normal lang man nga mag-inquest bisan gab-i na ilabi na gid sa ila nga kun kaisa may police operations sa illegal nga druga.
Suno kay Coronica, may yara sang arrangement nga may i-inquest sa amo nga gab-i kag nagapahibalo na sila sang timprano.
Pahayag sini, wala ini nagapati nga may settelement bangod nagpasaka man sang kaso ang complainant kag kun luyag sang complainant nga magpasaka sang kaso, ila lamang sundon ang ila trabaho.
