Nakabatun sang Special Order ang out going City Director sang Bacolod City Police Office nagikan sa Campo Crame natuhoy sa reassignment sang duha ka PNP personnel sumugod subong nga adlaw, Setyembre 28.
Nahibaluan nga ginrelieve na bilang City Director sa Bacolod City Police Office si P/Col. Henry Biñas kag iga-reassign sa PNP Drug Enforcement Group.
Samtang si P/Col. Manuel Alcano Placido sang Civil Security Group ang gin reaasign naman sa Police Regional Office 6.
Sa interview sang Bombo Radyo kay Police Col. Henry Biñas, ginpahayag sini nga subong niya lang nabaton ang mando nagikan sa Crame.
Suno diri, nagapasalamat siya sa Local Government Unit (LGU) sang Bacolod City humalin sang pagpungko tubtob nga ireassign na siya nga ginsuportahan ini kasubong man sa katapo sang media sa pagbulig man sa iya samtang nagapungko bilang city director sang BCPO.
Ginpahayag man sini nga kabahin sang career advancement ang matabo nga reassignment kag ginalantaw man sini nga naapresyar sang headquarters ang maayo nga hinumuan.
