Ginakalipay sang Bacolod City Police Office nga nadugangan pa gid ang Police Station sa Bacolod nga nakabaton sang lot donation agud patukuran sang three-storey building.
Madumduman nga una na nagdonar sang 500 square meter nga duta ang pamilya Bantug para patindugan sang standard building sang Police Station 5 sa Barangay Granada.
Sang damlag lang, nagpirma man sang memorandum of agreement (MOA) ang BCPO kag ang Barangay Cabug matapos sila nagdonar sang 600-square meter nga lote sa atubang sang barangay hall para sa building sang Police Station 9.
Suno kay Pico, ang standard design police station ang may yara sang pondo nga P5 million nagikan sa national headquarters.
Nahibaluan nga temporaryo nga nahamtang karon ang Police Station 9 sa pribado nga duta sa Barangay Sum-ag samtang yara man sa pribado nga propiedad sa Barangay Granada nahamtang ang Police Station 5 sa karon.
Dugang pa sang tagpamaba nga ginaproseso na karon sa national headquarters ang proposal agud nga masuguran na ang proyekto sa masunod nga tuig.
Gina-haylo naman sini ang iban nga mga station commanders sa iban nga police stations sa Bacolod nga magpangita man sang lot donors agud nga maka-angkon man sila sang ila kaugalingon nga police station kag mangin standard design man ini.
