BCPO, luyag nga magdugang sang tatlo ka police stations

Magahingyo ang Bacolod City Police Office sang tatlo ka dugang nga police stations sa ciudad agud mapasanyog pa ang ila kampanya sa pagpabilin sang peace and order sa ciudad.

Suno kay BCPO Director Police Colonel Joeresty Coronica, igapresentar sini kay Bacolod City Mayor Albee Benitez ang pagpatukod sang tatlo ka dugang nga police stations nga igahamtang sa Barangay Banago, Vista Alegre kag Estefania.

Nagalaom ini nga ini ang matigayon sa masunod nga tuig.

Magluwas diri, nalakip na sa mga plano kag programa nga igapresentar ni Coronica sa alkalde amu ang pag-ammend sang CCTV ordinance, pag-install sang CCTVs (Closed-circuit television) sa mga strategic areas kag pagrequire sini sa mga magagmay nga establishmento.