Indi magnubo 800 ka mga police officers ang magabantay sa seguridad sang eleksyon sa ciudad sang Bacolod sa Mayo 9.
Suno kay Police Lt. Col. Lester Leada, deputy city director sang operations sang Bacolod City Police Office, nakahanda na ang BCPO sang security plan para sa eleksyon.
Suno kay Leada, pila na ka coordination meeting ang napatigayon sang BCPO sa Comelec Bacolod kag sa regional office agud nga maupdate ang security preparation.
Santo sa security plan, may igadeploy nga police personnel sa kada polling center antes kag tubtub matapos ang adlaw sang eleksyon.
Igautilize naman ang total strength sang BCPO nga masobra 800 bangud indi lang mga eskwelahan ang pagabantayan kundi pati man ang perimeter sang Bacolod, canvassing venue kag handaan naman ang posible nga protesta sang mapierde nga kandidato.
Naghatag naman sang instruction si city director Police Col. Thomas Joseph Martir nga igautilize ang tanan nga available nga resources lakip na ang mga officers sang BCPO.
Ginhatagan naman ni Martir sang respective area ang mga officers agud nga ila mainspect kag masiguro nga nagaduty sang husto ang mga police officers nga assigned diri.
May pre-deployment briefing man nga patigayunon sa mga pulis sa send-off ceremony agud sila ang maremind kun ano ang dapat himuon sa ila assignment.
