Padayon ang pagkolekta sang Bacolod City Police Office sang impormasyon sa tatlo ka mga suspetsado nga nadakpan nga magabaligya kuntani ang ginaalegar ginkawat nga cell site batteries sa isa ka junk shop sa Mabini Street, Barangay 25, ciudad sang Bacolod.
Nahibaluan nga walo ang mga suspetsado apang tatlo lamang ang naaresto.
Ginkilala ang mga ini kanday Erwin Aribato, 30-anyos, residente sang Purok Riverside, Barangay Banago; Romelyn Quiatchon, 26-anyos, residente sang Purok Mahimulaton, Barangay Banago; kag Joseph Villanueva, 30-anyos, residente sang Purok Kasagingan, Barangay Banago.
Sa interview sang Bombo Radyo kay Bacolod City Police Office Director Police Col. Noel Aliño, ila pa ginahibalo kun diin nagikan ang 136 ka batteries nga nakita sa junk shop kag pagatsekyaron man nila ang involvement ni Dennis Coo Jr., kun sa diin nakapangalan ang permit sang junk shop bangud posible nga financier ini ukon leader sang grupo.
Suno diri, mangin ang mga signage sang mga kalye, copper wires kag kable sang kuryente ang nakit-an man sa junk shop.
Ginpahayag sang isa sa mga naaresto nga may yara sila sang kaupod sa pagpangawat nga nagatrabaho sa isa ka Telco company, gani ila pa ini nga ivalidate.
Ginalantaw man sang kapulisan nga dako nga grupo kag maayo ang pagsuporta sa ila sang kwarta bangod nga sila ang may yara sang salakyan, hagdan kag nakauniporme pa gani sila indi masal-an nga mga kawatan.
