Nagapadayon ang koordinasyon sang Bacolod City Police Office (BCPO) sa Commission on Elections (COMELEC) tuhoy sa security plan para sa palaabuton nga Eleksyon.
Suno kay BCPO Director for Operations Police Lt. Col. Lester Leada, may supisyente sila nga personnel nga nagahatag sang seguridad nagikan sa warehouse tubtob sa polling centers.
May mga personnel man nga naka-assign sa pag-abot sang mga paraphernalias sa Mayo 2.
Ginalauman ni Leada nga may mga BCPO personnel nga igapull-out agud ipadala sa iban nga rehiyon.
Suno diri, 45 ka mga eskwelahan ang pagahimuon nga polling centers sa ciudad sang Bacolod.
Ang kada buluthuan suno sa iya ang may yara sang dedicated nga PNP personnel nga amu ang magahatag sang seguridad agud masiguro ang kalinong kag katawhay.
Suno sa iya, nagapaninguha gid ang BCPO nga mangin matawhay kag orderly ang palaabuton nga May 9 elections.
