BCPO, nagahatag sang seguridad sa mga lugar nga pahamtangan sang transport rallies sugod subong nga adlaw tubtub bwas

Preparado na ang Bacolod City Police Office (BCPO) sa transport strike ukon People’s Holiday sang pila ka mga transport groups subong nga adlaw tubtob Marso 22 bangud sa padayon nga pagsaka sang presyo sang produktong petrokyo.

Suno kay BCPO Director Police Col. Thomas Joseph Martir, ila gindeploy ang mga personnel sa mga lugar nga posible luntaran sang mga rallies.

Suno kay Martir, pagasiguruhon nga may yara sang police visibility sa mga lugar nga posible luntaran sang mga rallies.

Magahatag man sang Libre Sakay ang BCPO in kaso nga maalangan ang mga commuters, sarang sila na makasakay sa patrol cars.

Nagpasalig ang BCPO director nga ang kapulisan ang mangin yara gid sa palibot agud masiguro nga luwas ang mga commuters.