Wala sang r*pe, abduction ukon g*ng r*pe nga natabo sa 25 anyos nga graduating student nga gina-alegar gin-abduct kag ginlugos sang tatlo ka lalaki.
Suno kay Bacolod City Police Office Director Police Colice Joeresty Coronica, santo sa resulta sang medico legal sang 25 anyos nagnegatibo ini sa fresh laceration.
Suno kay Coronica, karon ginatun-an sang City Investigation and Detective Management Unit kag Bacolod City Police Office Legal Officer ang posible kaso ipasaka sa mga persona nga nagpalapta sang sala nga inpormasyon.
Suno diri, luyag niya nga mahatagan sang leksyon ang persona kaangay lamang nga nagahambal nga nahold-up apang ini ang napiyerde sa sugal.
Suno sa BCPO City Director nga madamo na sa karun ang nagahimo-himo lamang sang estorya kag indi maayo ang ginadulot sa imahe sang ciudad kag nagabalik man sa mga kapulisan.
Maduman nga sa inisyal, ginpatpat sini ang pila ka mga inconsistencies sa pahayag sang babayi, kaangay lamang sa pahayag sini nga siya ang pwesahan nga ginsulod sa pula nga van, gindala sa isa ka lugar sang tatlo ka lalaki kag ginhimuslan antes liwat nga ginbyahe kag ginbilin sa kilid sang dalan.
Apang sa pahayag sang nakakita sa babayi, puti lamang nga van ang ila nakita sa lugar.
Nagpahayag man ini nga may ginspray sa salakyan rasun nga siya ang nadulaan sang pangalibutan, apang ginapinsar ni Coronica nga kun indi ang matuod, kasubong man dapat nga nalipungan ang tatlo ka lalaki.
Ang babayi ang madumdoman nga nakita nga kaangay nga wala sa kaugalingon, wala na sang panty kag ang bra ang nakahigot sa iya batiis.
Pahayag sini nga siya ang gikan sa salon sang Marso 31 bangod graduation sini kasunod nga adlaw, Hunyo 1, apang natukiban man sang kapulisan nga siya ang wala ma-enroll sa last semester sa nasambitan nga eskwelahan.
