Nagpasalig ang director sang Bacolod City Police Office nga ila pagahimuon ang tanan agud mamintinar ang kaluwasan kag magadeploy sang bug-os nga pwersa sang mga personnel sa palaabuton nga Eleksyon.
Suno kay BCPO Director Police Col. Thomas Joseph Martir, ila gid ginabutangan sang police visibility sa mga rallies agud malikawan ang mga election related incidents kag sa karun wala man sang mainit nga komprontasyon.
Nagapati si Martir nga ang mga Bacolodnon ang peace-loving.
Suno diri, ila ginahimo ang bug-os nila nga masarangan kag nagalaom sang pagkooperar sang mga pumuluyo.
Suno sa iya, sa karun wala pa man sang kandidato nga nagarequest sang bodyguard ukon assistance.
May ginapatigayon man sila nga mga scheduled kag random checkpoints kag ginasiguro ang ila mga paraphernalias nga natalana nga igadeliver.
Suno sa BCPO director, preparado na ang ila mga personnel sa pagsecure sang mga election activities kag naghimo sila sang contingent bilang preparasyon in kaso nga may magaluntad nga rallies sa adlaw sang Eleksyon.
Igabrief man sang BCPO ang mga force multipliers nga mangin apolitical kag non-parisan.
Suno kay Martir, apisar nga magaretiro na si PNP Chief General Dionardo Carlos sa Mayo 8, isa ka adlaw antes ang Eleksyon, wala nagakalingkag ang PNP sa pagmintinar sang matawhay nga flow sang pagpiniliay.
