Nagrequest sang 1,000 ka dugang nga augmentation personnel ang Bacolod City Police Office sa Police Regional Office – Negros Island Region para sa Masskara Festival 2026.
Sa interview sang Bombo Radyo Bacolod kay Police Lt Col Lester Leada, Deputy City Director for Administration sang BCPO, sila ang full force sa pagbanrtay sang seguridad kag kahilwayan sa kapiestahan, kun sa diin 800 ka BCPO personnel ang natalana nga ideploy.
Apang nagalaom sila nga mahatag ang ila request para sa dugang nga police augmentation.
Aminado sa Leada nga mas challenging para sa ila ang pagseguro sanbg kalinong, ilabi na sa mga nagaluntad nga crime against person, nga indi na kaangay sa nakaligad nga tinuig.
Plano nila nga magbutang sang adisyunal nga security control points agud nga visible ang mga kapulisan sa diin man nga bahin sang festival site, nga magaserbe deterrent sa mga may malain nga intensyon.
Dugang pa sini nga sa kaangay nga tion, indi lamang mga Bacolodnon ang yara sa ciudad kundi madamo man sang pangayaw ukon mga turista.
Ginahulat na lamang nila ang pagtukod sang Bacolod City Government sang Local Coordination Committee agud ma-tap man ang iban nga ahensya kasubong man ang mga forced multipliers agud maseguro ang safety kag security sang mga festival goers.
