Dako ang pagpasalamat sang Bacolod City Police Office (BCPO) matapos nga ginhatagan sang facemask kag faceshield sang Provincial Health Office (PHO) sa ila nga flag ceremony kahapon.
Sa interview sang Bombo Radyo Bacolod kay BCPO spokesperson Police Lt. Col. Ariel Pico, tinalikdan pa nga semana natalana kuntani ang pagbaton sang gindonate nga facemask kag faceshield apang kahapon lang natigayon kag mapasalamatan ang mga naghatag bangud man sa kasakuon man sang BCPO.
Dako ang pagpasalamat sang BCPO sa ginhatag nga facemask kag faceshield bangud frontliners man ang mga police kasunod sang pagpatuman sang basic health protocols.
Dugang man ini nga proteksyon sa mga police bangud prone man ang mga ini sa infection.
Ginkabig man sini nga merry christmas kag happy new year ang nabatyagan sang BCPO matapos nga mabaton ang donasyon.
