Nakitaan sang Bacolod City Police Office sang madamo nga inconsistencies sa pahayag sang 25 anyos babayi nga graduating student nga gina-alegar gin-abduct kag ginlugos sang tatlo ka lalaki.
Sa press conference ni BCPO Director Police Col Joeresty Coronica, padayun gihapon ang ila imbestigasyon agud matumod ang kamatuoran sa insidente bangod indi sini pahanugutan nga may kaangay nga krimen nga nagakatabo sa Bacolod City.
Suno diri, makaalarma kun ini ang indi gilayon masolbar.
Apang sa inisyal, ginpatpat sini ang pila ka mga inconsistencies sa pahayag sang babayi, kaangay lamang sa pahayag sini nga siya ang pwesahan nga ginsulod sa pula nga van, gindala sa isa ka lugar sang tatlo ka lalaki kag ginhimuslan antes liwat nga ginbyahe kag ginbilin sa kilid sang dalan.
Apang sa pahayag sang nakakita sa babayi, puti lamang nga van ang ila nakita sa lugar.
Nagpahayag man ini nga may ginspray sa salakyan rasun nga siya ang nadulaan sang pangalibutan, apang ginapinsar ni Coronica nga kun indi ang matuod, kasubong man dapat nga nalipungan ang tatlo ka lalaki.
Ang babayi ang madumdoman nga nakita nga kaangay nga wala sa kaugalingon, wala na sang panty kag ang bra ang nakahigot sa iya batiis.
Pahayag sini nga siya ang gikan sa salon sang Marso 31 bangod graduation sini kasunod nga adlaw, Hunyo 1, apang natukiban man sang kapulisan nga siya ang wala ma-enroll sa last semister sa nasambitan nga eskwelahan.
Sa karun, ang pamilya sang biktima ang nagmanifest naman sang non-interest nga magkooperar sa imbestigasyon.
Apisar sini, desidido ang BCPO Director nga masolbar ang kaso gani ang Women and Children Protection Desk nga nakatutok sa kaso ang ginpabuligan na sa iban pa nga police units.
May bangko man nga mahimo nakacapture bangod may CCTV camera, apang wala nagakooperar sa kapulisan
Magluwas diri, nakasugilanon na ang doktor nga naghandle sang medico legal, kag may inisyal na nga pahayag, apang luyag ni Coronica nga makita mismo ang test result.
Suno diri, luyag nila mahibaluan kun may laceration kag iban pa nga pamatuod nga gintandog ang biktima.
Apang indi maghatag ang ospital bangod sa data privacy.
Suno kay Coronica, ginalantaw nila ang posibilidad sa pagfile sang ‘Obstruction of Justice’ sa mga establishimento nga nagabalibad sa pagkooperar sa imbestigasyon.
