Ginpadal-an sang Office of Ombudsman sang subpoena sanday Bacolod City Police Office Director Police Col. Joeresty Coronica, Police Lt. Col. Joery Puerto kag Police Major Eugene Tolentino may kaangtanan sa gin-alegar nga indi husto nga pag-aresto sa mga transport leaders nga nagpanguna sa rally protesta sa atubang L’Fisher hotel kadungan sa ginpatigayon nga Visayas Public Transport Modernization Program Summit sang Setyembre 18, 2024.
Sa interview sang Bombo Radyo Bacolod kay Atty. Rey Gorgonio, legal counsel sang transport group, nagpasaka sang kaso sa Office of the Ombudsman batok sa tatlo ka mga high ranking officials sang BCPO amo sanday Lilian Sembrano et al.
Suno kay Gorgonio, kinahanglan sang tatlo ka mga police official nga maghatag sang ila nga sabat sa sulod sang napulo ka adlaw matapos nga mabaton nila ini.
Gindagdag ang subpoena kasunod sang pagpasaka sang kaso sa Ombudsman sang kampo sang transport groups bangud sa gina-alegar nga paglapa sa Republic Act 7438 ukon gina-alegar nga indi paghatag sang mga police sang Miranda Rights sa mga akusado kag article 131 sang Revised Penal Code ukon Prohibition, interruption, kag dissolution sang peaceful meetings.
