Magadeploy sang masobra 100 ka mga personnel ang Bacolod Police Office para sa peace rally sang Iglesia Ni Cristo bwas nga adlaw.
Sa interview sang Bombo Radyo Bacolod kay Police Col. Joeresty Coronica, City Director sang BCPO, nakapaghinon-anon na ini sa mga organizers sang INC kun ano nga oras sila maumpisa kag matapos.
Suno diri, ginalauman nga masobra sa 500,000 ang magapartisipar sa rally gikan sa Negros Occidental, Negros Oriental kag Siquijor.
Nagpanugyan man ini nga lauman ang mabug-at nga lakat sang trapiko kag nagpaandam nga mangin alerto.
Samtang, bangud sa peace rally sang Iglesia Ni Cristo bwas nga adlaw, ginsuspend naman ni Negros Occidental Governor Eugenio Jose “Bong” Lacson ang after lunch nga trabaho sang mga provincial capitol employees.
