Gin-athag sang Traffic Enforcement Unit sang Bacolod City Police Office nga indi sila makadakop sang mga nagagamit sang magahod nga tambutso ukon open pipe muffler kag nagabayolar sa traffic rules.
Sa interview sang Bombo Radyo Bacolod kay Police Major Elmer Bonilla, head sang Traffic Enforcement Unit sang Bacolod City Police Office, nagpagwa ang Supreme Court sang ruling nga mahimo lang makapanakop ang kapulisan kun e-deputized sila sang Land Transportation Office.
Suno diri may mga police station nga may force multiplier nga gindeputized sang ciudad para sa checkpoint kag police visibility.
Kun may yara man sang nagabayolar sa traffic rules ang force multiplier ang mahatag sang citation ticket.
Pahayag ni Bonilla, kabahin sang trabaho sang police ang pagdakop sa mga nagabayolar sang layi apang may layi ang LTO nga nagadumili sa kapulisan sa pagkumpiskar sang drivers license kun may yara man sang nagbayolar sa layi sa dalanon.
