Ginkasal na ang aktres nga Bea Alonzo sa nobyo sini nga si Puregold President Vincent Co.
Ini ang ginkumpirmar sang iya talent manager nga si Ogie Diaz.
Ginhiwat ang civil wedding sa Makati City Hall sang Hulyo 13, alas-7:00 sang gab-i, kun sa diin ginpangunahan ni Mayor Nancy Binay ang seremonya.
Wala sang himata sang mag-asawa nga nagtambong, kag ang mga tag-iya lamang sang bag brand ang yara sa seremonya.
Nakita man ni Diaz ang pila ka mga litrato sang kasal, kasubong man ang ila marriage certificate.
Nag-share man sa social media si Makati City Mayor Nancy Binay sang iya litrato kaupod ang aktres.
Madumduman nga sadtong Marso sini nga tuig, ginbuyagyag ang wedding banns sang mag-asawa sa isa ka simbahan sa Manila, apisar nga wala sang isa sa ila ang nagkumpirmar sang nasambit nga bagay.
Samtang, naglapta man ang huring-huring sang Mayo nga posible magpakasal ang duha sa Spain.
