Ginpakigbahin ni Bea Alonzo ang iya gin-agyan nga mga kabudlayan matapos natapikan sang COVID-19 sang tinalikdan nga Enero.
Sa Instagram, ginpakigbahin ni Alonzo ang litrato sini samtang nagapatublok sang iya booster shot sang Lunes.
Suno sa aktres, nangin challenging para sa iya ang panugod sang tuig bangud natapikan ini sang COVID sang Enero kag nabatyagan sini ang kalabanan nga sintomas sang virus.
Suno kay Bea, nagasuprer pa siya sadto sang muscle spasm kag nabudlayan nga magginhawa apang nasurvive sini ang eksperyensya.
Gin-engganyo sang aktres ang publiko nga magpabooster shot na kag magbuligay agud matapos na ang pandemic.
Sang damlag lang, ginselebrar ni Bea kag sang boyfriend sini nga si Dominic Roque ang ila labing una nga annibersaryo bilang couple.
Nagbilin sang sweet nga mensahe ang aktres sa social media kag ginpahayag nga ini ang isa sa pinakamaayo nga desisyon nga iya nahimo.
