Ginkumpirmar sang aktres nga si Bela Padilla ang pagbulagay nila sang iya Swiss-Italian boyfriend nga si Norman Ben Bay.
Gin-anunsyar sang aktres nga single na siya sa karun halin sa kapin lima ka tuig nga relationship.
Suno diri, nangin factor sa pagbulagay nila amo ang long distance set-up kag ang pagbalik sini sa Pilipinas.
Madumduman nga nagpadulong sa London, United Kingdom ang aktres sang 2021 para magto-on sa acting kag writing apang nagbalik ini sa Pilipinas para magtrabaho.
Samtang si Norman naman, nagatinir sa Switerland sa bilog nila nga relasyon apang gin-athag ni Padilla nga mutual ang break-up kag in good terms sila.
Dugang pa sini, sa set sang “100 Awit Para Kay Stella” bisan nga nagbulagay na sila, nagbisita si Norman sa Pilipinas kag nagkitaay pa sila nga duha.
Nagkilalahay ang duha sang 2017 samtang nagashoot sang movie si Padilla sa Switzerland kag ila ginpahibalo sa publiko ang ila relasyon sang 2020.
