Belen sa plaza sang Pontevedra, nasunog kadungan sang lights on ceremony

Nasunog ang belen sa plaza sang Pontevedra kadungan sang lights on ceremony kagab-i, Disyembre 14, 2023 .

Sa interview sang Bombo Radyo Bacolod kay SFO4 Norvic Mangubat,acting municipal fire marshall sang Pontevedra Fire Station,na-short circuit ang wire sa balay-balay sang belen nga himo sa kugon kag kawayan.

Apang suno kay Mangubat, wala na nagdako pa ang kalayo bangud gilayon man nga napalong bangud sa fire personnel nga nakastandby sa ginpatigayon nga lights on ceremony kag may dala nga fire extinguishers.

Wala naman sang naapektuhan nga iban nga pa nga dekorasyon kag nadayon ang kabug-usan nga lights on ceremony.