Opisyal na nga divorced sanday Ben Affleck kag Jennifer Lopez santo sa court documents.
Ang judgements ang nagwa malapit 20 ka semana matapos nagfile ang actress sang dissolution of marriage sadtong Agosto 20.
Madumduman nga ang duha ang nag-umpisa sang ila nga romantic relationship sadtong 2021 kag ginkasal paagi sa intimate Las Vegas ceremony sadtong July 2022.
Ginselebrar man sang mga ini ang ila nga nuptials paagi sa isa ka seremonya sa Georgia nga gintambungan sang ila nga mga abyan kag pamilya sang Agosto 20, 2022.
Nagfile sang divorce si Lopez sang nagsukat sa duha ka tuig matapos ang Georgia ceremony kun sa diin nalista ang Abril 26 bilang petsa sang ila nga pagbulagay kag ang rason amo ang irreconcilable differences.
Ginfile sang aktres ang divorce sa Los Angeles County Superior Court sang wala sang abogado, nag-ayo nga wala sang suporta gikan sa bana para sa diin man nga Partido, tungaon ang mga balayran sa abogado kag gin-note ang “exact nature” sang ila komunidad, quasi-community assets, wala pa mahibaluan kag pagatumuron pa ang pagtunga sang ila propedad kag obligasyon.
Naghingyo man ang star nga ibalik ang anay sini nga pangalan nga Jennifer Lynn Lopez.
