Nagpadulong sa estasyon sang Bombo Radyo Bacolod ang isa sa mga Comprehensive Agrarian Reform Program (CARP) beneficiary sa Barangay Busay, Bago City.
Suno kay Jessy Gomez, 73 anyos madugay na sila nag-apply kag nagahulat sang Certificate of Land Ownership Award (CLOA) nagikan sa Department of Agrarian Reform (DAR).
Suno kay Gomez sang 2001 pa sila nag-apply apang tubtob sa karun wala pa sila nakabaton sang CLOA.
Suno diri, ginapasa-pasahan lamang sila sang province kag DAR-Bago City.
May yara man sila sang asosasyon sadto apang wala nakarenew sa Department of Labor and Employment (DOLE).
Ginpahayag man sini nga ang duta ang napaidalom na sa voluntary offer to sale (VOS).
Gina-aligar man sini nga daw kaangay nga nagakwartahay ang DAR sa Bago kag tag-iya sang duta bangud wala gid nasolbar ang ila nga madugay na nga problema.
Nagapangabay man ini nga kuntani mafinal survey na ang 25 hectares nga duta kag mahatag na ang ila nga CLOA
