Wala sang may makit-an nga mga Christmas decorations kag pilgrims sa Manger Square sang Bethlehem sa ikaduha nga tuig sa nagapadayon nga gyera sa Israel.
Ang Church of Nativity nga amu ang nagadominate sa square ang wala naman sang unod kaangay sang plaza sagawa.
Mabatian lamang ang chants sang Armenian monks nagikan sa crypt kun sa diin ginapatihan sang mga Kristiyano nga ginbun-ag si Hesu Kristo.
Suno kay Mohammed Sabeh, isa ka security guard sa simbahan, kun normal nga mga inadlaw, makit-an ang 3,000 ukon 4,000 ka mga persona sa sulod.
Nagsugod ang mga ginamo sa West Bank humalin sang nagsugod man ang gyera sa Gaza sang Oktubre 7 sang tinalikdan nga tuig apang nagpabilin nga malinong ang Bethlehem apisar sang pag-ilinaway sa Muslim city.
Ang mga foreign nga tourista, kun sa diin nagasalig ang ekonomiya sang Bethlehem, ang nag-untat na sa pagpadulong sa lugar bangud sa gyera.
Ang pagdamo sang mga restrictions sa movement paagi sa Israeli checkpoints ang nagapugong man sa mga Palestinians sa pagbisita diri.
