Ginapreparar na sang Bureau of Fisheries and Aquatic Resources-Negros Island Region ukon BFAR-NIR ang pag-re-appeal sa liwat nga pag-apruba sang pag-export sang blue swimming crab ukon kasag sang Negros padulong sa United States.
Suno kay Rene Parrenio, Officer-in-Charge sang BFAR-NIR, ginaproseso na sa karun sang Department of Foreign Affairs ukon DFA kag sang BFAR ang re-appeal.
Suno kay Parrenio, subong nga katapusan sang Setyembre ginatinguhaan nga mapasa ang mga supporting documents bangud sini nagapangayo man ang sila sang bulig sa mga local government units nga magpasar sang kaugalingon nga ordinansa nga nagamando sang pagmonitor sa mga nadakpan nga blue swimming crab.
Suno kay Parrenio, kun makompleto na ang tanan nga dokumento, ipasaka ini sa katapusan nga semana sang subong nga bulan, sa paglaum nga ma-aprubahan liwat ang pag-export sang blue swimming crab sang Negros padulong sa Estados Unidos.
Madumduman sang Hunyo gin-ban sang Estados Unidos ang pag-export sang blue swimming crab gikan sa Pilipinas bangud sa bayolasyon kun sa diin ang isa sa apektado amo ang Negros.
