-- ADVERTISEMENT --
Nagpahanumdom ang Bureau of Fire Protection-Bacolod nga magbakal sang lehitimo nga mga Christmas decorations agud nga malikawan ang sunog.
Sa interview sang Bombo Radyo kay Bureau of Fire Protection-Bacolod Chief Investigator Fire Officer 2 Rolin Paulan, mas maayo nga magbakal sang mahal apang lehitimo nga mga christmas decorations kag appliances sang sa ang mga substandard nga produkto.
Suno diri, tsekyaron ang label sang mga baklon agud nga malikawan nga makabakal sang peke nga products.
Pahanumdom man sini nga maghalong sa pag-usar sang mga appliances kag indi ini pagbayaan nga nakasaksak lamang ini kasunod sa nagluntad nga duha ka sunog kahapon.
