Bicameral Conference Committee, gin-aprubahan na nga himuon ang NEDA bilang Department of Economic Planning and Development

Gin-aprubahan na sang Bicameral Conference Committee nga himuon na nga Department of Economic Planning and Development (DEPDEV) ang National Economic Development Authority (NEDA).

Ang hagna ang gin-author ni Albay Second District Representative Joey Salceda, ang author sa hagna nga magtukod sang independent economic planning department.

Makaligad ang 40 ka tuig, nakumpleto na sang kongreso ang mandato sang konstitusyon sa paghimo sang independent agency sa pagplano sang ekonomiya nga may representative gikan sa Cabinet department.

Ang committeee sang NEDA ang nainstitutionalize naman kag nalakip diri ang SubCommittee on Inflation Monitoring agud masiguro nga may mauyatan ang gobyerno sa presyo sang mga balaklon.