Ginpahayag ni House Appropriations Vice Chairperson Zia Alonto Adiong nga ang pagduso sang Kamara para sa pinakauna nga “fully open” nga bicameral conference committee ang isa ka bahin sang mas malapad nga transparency drive nga nagsugod pa sang 20th Congress.
Suno kay Adiong, ang desisyon nga buksan sang publiko kag media ang mga bicam proceedings ang nagikan sa mga reporma nga ginsuguran sa idalom sang anay Speaker Ferdinand Martin Romualdez agud mangin mas klaro kag mas hapos sundon ang proseso sang national budget.
Kalakip sa mga reporma nga nagpatindog sang transparency framework para sa 2026 budget deliberations amo ang pag-disolve sang small committee, pagbukas sang House–Senate bicam meetings, pag-intra sang civil society kag private sector sa budget hearings, pagpabakod sang oversight mechanisms kag pagtutok sa mga programa nga direkta nga nakabenepisyo ang mga komunidad.
Suno kay Adiong nga ini nga mga pagbag-o ang ebidensya sang commitment sang Kamara sa transparency, accountability, kag mas daku nga partisipasyon sang publiko.
Suno sa Kongresista, ini nagapalig-on sang kultura sang “openness” agud makita sang pumuluyo kun paano ginagasto ang pondo sang pungsod.
