Patigayunon na subong nga Hwebes, June 27, ang bidding para sa bulk water supply project sang probinsya sang Negros Occidental.
Nakaligad nga tuig pa sang gindihon ang ini nga proyekto nga nagabalor sang P1.2 billion.
Suno kay Provincial Legal Officer Atty Alberto Nillas Jr. nga amo ang acting provincial administrator, 10 ka kompaniya ang magapakigbahin sa bidding sang bulk water supply project.
Tinutuyo sini nga masupply ang 34.5 million liters per day nga tubig sa anom ka water district sa anom ka ciudad kag banwa sa probinsya nga ginalakipan sang Silay, Talisay, Victorias, Bacolod kag banwa sang Manapla kag EB Magalona.
Nakasulod sa plano ang pagkuha sang water supply sa Malogo River sa EB Magalona kag Imbang River sa Silay.
Tubtob sa karun, wala sa gihapon nakapasar ang ciudad sang Silay sang Resolution of No Objection.
Bisan wala pa sang RONO nagikan sa Silay City Council, magapadayon ang proyekto.
