Ginpahayag ni US President Joe Biden nga nagdesisyon ini nga indi pagdayunon ang iya personal nga ambisyon agud masalbar ang demokrasya rason kun ngaa nagwithdraw ini sa iya re-election bid.
Sa isa ka sedate Oval Office speech nga ginpatigayon sini kahapon, ginpahayag sini nga siya ang nagapati nga deserve sini nga liwat nga eleher santo sa iya record sa una sini nga termino apang ang pagpalangga sini sa pungsod ang rason kun ngaa siya ang nagpaiway.
Suno diri, nagdesisyon ini nga ipasa ang torch sa bag-o nga henerasyon bangud ini ang pinakamaayo nga paagi agud mag-isa ang pungsod.
Si Biden, 81-anyos kag ginkabig nga pinakatigulang nga Presidente sa maragtas sang Estados Unidos, ang ginsugata sang hinugyaw, palakpakan kag music sa Rose Garden pagkatapos ang iya address.
