Ginpahayag sang Bids and Awards Committee nga naglabay sa bidding ang pagparenovate sang Bacolod City Mayor’s Office.
Sa interview sang Bombo Radyo kay Jean Ramos, chairperson sang Bids and Awards Committee, nagdangat sa P15,813,388 ang approved budget sa project sang pagpakay-o sang opisina sang alkalde.
Suno kay Ramos ang nagdaog sa bidding amo ang MKU Construction and Supply sa bidding nga ginpatigayon sang February 7.
Suno diri, nag-agi sa proseso ang renovation sang Mayor’s Office kun sa diin nagpaidalom ini sa pre procurement conference kag may pre-bidding.
Suno pa diri ang bid amount amo ang P15,493,369.90 kag duha lang ka bidder ang nagpasakop sa nasambit nga proyekto.
Suno kay Ramos ang nagdaog nga bidder amo ang compliant kag may yara sang lowest calculated bid.
