Lauman nga may yara sang big time price increase sa produktong petrolyo sa masunod nga semana.
Suno kay Department of Energy-Oil Industry Management Bureau assistant director Rodela Romero lauman nga magasaka sa P0.95 tubtob P1.40 ang kada litro sang Gasolina, P1.50 tubtob P2.00 ang kada litro sang Diesel kag P1.30 tubtob P1.40 ang kada litro sang Kerosene.
Suno kay Romero, ang oil price hike ang bangod sa pagbag-o sang Estados Unidos kag sang China sang taripa sa most imported goods sa sulod sang 90 ka adlaw.
Dugang pa sini, nagresulta man sa mataas nga increase sa presyo ang pagdagdag sang US sang sanction sa kapin sa duha ka dosena nga firms nga involved sa international oil trade sang Iran.
Magluwas sini, isa man sa mga rason amo ang ginalauman nga manubo nga oil supply sa karun nga tuig.
Mahibalun nga gina-anunsyar kada Lunes ang actual price adjustment nga ginapatuman pagkasunod nga adlaw.
Epektibo sa Martes, Mayo 20 ang pagbag-o sang presyo sang produktong petrolyo.
