Ginalantaw nga magapatuman ang mga oil firms sang oil price rollback sa madason nga semana.
Suno kay Department of Energy-Oil Industry Management Bureau Assistant Director Rodela Romero nga santo sa oil trading sa nakaligad nga apat ka adlaw, ang mga motorista ang makaeksperyensya sang liwat nga pagnubo sang presyo sa produktong petrolyo sa madason nga semana.
Ginabanta nga maganubo sang P1.15 tubtob P1.35 kada litro sang gasolina; P2.00 tubtob P2.20 sa kada litro sang diesel kag P1.90 tubtob P2.00 sa kada litro sang kerosene.
Suno kay Romero ang mahina nga global demand ang isa sa nakita nga rason sang pagnubo sang presyo sang produktong petrolyo.
Nakaandan nga ang mga oil firms ang nagaanunsyar sang final price adjustments sa kada Lunes kag ginapatuman kada Martes.
Humalin sang Enero subong nga tuig ang net increase sa presyo sang gasolina ang nagdangat P8.05 kada litro samtang P5.95 sa kada litro sang diesel.
Samtang, humalin sang Enero subong nga tuig ang net decrease sa presyo sang kerosene ang nagdangat sa P2.15 sa kada litro.
