Lauman ang liwat na naman nga pagsaka sang presyo sang produktong petrolyo sa masunod nga semana.
Santo sa international fuel trading sa sulod sang apat ka adlaw, ginpahayag ni Department of Energy-Oil Industry Management Bureau Assistant Director Rodela Romero nga magasaka ang presyo sang gasolina sa P1.35 tubtob P1.60 kada litro, diesel sa P2.30 tubtob P2.60 kada litro kag kerosene sa P2.30 tubtob P2.50 kada litro.
Ini na ang ikatatlo nga semana nga sunod-sunod ang pagsaka sang oil prices sa karun nga tuig.
Suno sa Energy official, bangod sa tensyon sa tunga sang US kag Russia, nag-adjust ang oil market sa kakulangan sang supply gikan sa isa sa largest oil producers sa bug-os nga kalibutan nga amo ang Russia.
Masami nga gina-anunsyar sang fuel firms ang official price adjustments kada Lunes nga ginapa-implementar pagkasunod nga adlaw.
