Dead on Arrival ang lalaki nga biktima sang pagpangluthang sa Reclamation Area sa Purok Lampirong, Barangay 6, Bacolod City kaina sang aga.
Ang biktima ang ginkilala nga si Joemarie Villapana alias Negro, 28 anyos, residente sang Purok Boulevard, Barangay 14, Bacolod City.
Sa inisyal nga impormasyon ang biktima ang nagatrabaho bilang kargador sa Bredco Port.
Pahayag sang mga nagatrabaho sa ginaconstruct nga building katupad sang dalan nga ginluntaran sang insidente, nga sila ang nakabati lamang sang apat ka lupok.
Pagkagwa sang mga ini, naabtan nalang nga nagahamyangon na ang biktima samtang wala naman sang nakit-an nga iban nga tawo sa lugar.
Ang biktima ang ginhingagaw pa dala sa ospital, apang gindeklarar nga dead on arrival.
Padayun pa angimbestigasyon sang Bacolod Police Station 2 sa insidente.
