Ang hambal sang mga katigulangan wala sang ginamos nga indi manimaho kaangay lamang sa natabo sa concert sang Coldplay sa Gillette Stadium sa Foxborough, Massachusetts sang Hulyo 16.
Makita sa video kun sa diin natuon ang kiss cam sa ginapahayag nga magkahagugma nga ginahakos sang CEO sang New York-based AI firm Astronomer nga si Andy Byron ang head sang ila Human Resource Department nga si Kristin Cabot.
Hinali lang nga nagbuya ang duha kag nagpanago gani naglahog ang vocalist nga si Chris Martin nga posible nga may relasyon ang mga ini ukon nahuya lang.
Bangud sa video natukiban nga ang duha ang may pamilya, kasado kag may mga kabataan.
Bangud man sa natabo nagtuhaw man ang mga posts sang duha sang 2024 kun sa diin gindayaw sang mga ini ang kada isa.
Wala naman sang ginpagwa nga pahayag ang duha angot sa natabo.
