Gindagdagan sang show-cause order sang Land Transportation Office ang BINI member nga si Mikha Lim matapos maggamit sang cellphone samtang nagamaneho sang iya salakyan nga isa ka paglapas sa Anti-Distracted Driving Act.
Kasunod sini ginsuspend sang LTO ang driver’s license sang singer sa sulod sang 90 ka adlaw.
Nag-atubang ang singer sa opisina sang LTO sang Nobyembre 11 matapos mabaton ang show cause order.
Suno sa LTO, kalakip sa mga posible nga paglapas sa show-cause order ang Republic Act No. 10913 ukon Anti-Distracted Driving Act, reckless driving, kag ‘improper person to operate a motor vehicle’.
Nangayo naman sang pasaylo si Mikha kag gin-ako ang responsibilidad sa iya nga ginhimo.
Ginkumpirmar man ni Mikha nga personal siya nga nag-atubang sa LTO kag handa siya nga magsunod sa proseso kag batunon ang anuman nga penalidad nga idagdag batok sa iya.
Pahayag sang actress, dako ini nga leksyon para sa iya agud mangin disiplinado kag responsable sa palaabuton.
Suno pa sa iya, ang mga pagsulundan sa dalan ang magaprotekta para sa tanan gani dapat ini nga seryusohon.
