Isa na naman ka international recognition ang nagahulat sa girl group nga BINI bangud natalana sila nga pasidunggan bilang Global Force Honoree sang Billboard sa Women in Music ceremony.
Ginpasidunggan ang girl group sang Billboard sang Sabado, Abril 11, pila ka oras antes ang ila makasaysaysayan nga debut sa Coachella Valley Music and Arts Festival kun sa diin nalakip sila sa record-breaking female artists sa music scene.
Kalakip man sa ginpasidunggan bilang Global Force ang The Beaches, isa ka Canadian rock band nga ginalakipan nanday Jordan Miller, Kylie Miller, Leandra Earl, kag Eliza Enman-McDaniel. Ang BINI ang ikaduha nga Pilipino nga ginpangalanan sang Global Force sang Billboard, kasunod ni Sarah Geronimo sang 2024, kag sila man ang labing una nga Filipino group nga nakabaton sang nasambit nga award. Ang walo ka miyembro sang girl group nga BINI ang ginalakipan nanday Jhoanna, Aiah, Colet, Maloi, Gwen, Stacey, Mikha, at Sheena, kag nag-debut sang Hunyo 2021.
