Birthday wish ni Bacolod City Mayor Alfredo “Albee” Benitez sa iya ika-57 nga kaadlawan amo ang katumanan sang iya mga programa nga natalana para sa ciudad sang Bacolod sa masunod nga tuig.
Pahayag sang alkalde nga ila balikan ang mga pending programs nga wala pa matapos samtang magadihon man ini sang mga adisyunal nga mga programa.
Kalakip sa ginatinguhaan sang alkalde nga mapadamo pa ang mahatagan sang Bacolod Comprehensive Health Program (BacCHP) card.
Sa pihak nga bahin, plano naman sang alkalde nga makapirma sang Memorandum of Agreement sa mga Funeral parlors para a paghatag sang assistance para sa burial services nga mahimo balor P7,000 tubtob P10,000 package.
Apang ang mga benepisyaryo ang kinahanglan man nga BacCHP card holder.
Prayoridad sa makabatun sang card ang mga indigents ukon pigado nga residente sa ciudad sang Bacolod.
Plano man ni Benitez nga mapadamo ang mga senior citizens nga makabatun sang social pension nga P6,000 kada bulan.// Ini ang ginahatag sa mga senior citizens nga wala sang ginabatun nga SSS pension.
Paathag sang alkalde nga prayoridad nila ang mga pigado, apang lantawon pa sini ang budget agud maakomodar ang tanan nga nagakinahanglan.
Ginadihon man sang mga ini ang pagtukod sang dialysis center, agud nga indi na maayawan pangita sang dialysis center ang mga Bacolodnon nga nagakinahanglan sang nasambitan nga serbisyo.
Dugang pa ni Benitez nga pinaagi sini makabulig man ang local government unit sa galastuhan sang mga pasyente.
Magluwas sa mga social services, maga-umpisa naman ang pila ka mga dalagko nga infrastructure projects para sa ciudad
