Gin-athag sang bise alkalde sang ciudad sang Bacolod ang rason kun ngaa may yara sang late kun magpagwa sang abiso sang kanselasyon sang klase.
Sa interview sang Bombo Radyo kay Vice Mayor El Cid Familiaran, nagpagwa ini sang advisory sang cancellation of class sa ciudad santo sa Department of Education Circular No. 37 series of 2022.
Suno diri, may guidelines nga ginasunod kag color code nga gina-obserbaran para magkansela sang klase.
Si Familiaran ang temporaryo nga nagapungko bilang acting mayor sang ciudad samtang yara sa Thailand si Mayor Albee Benitez para sa budget hearing.
Sa karun ang ciudad sang Bacolod ang yara sa code blue, apang suno kay Familiaran ini ang posible nga magtaas pa.
Paathag sang bise alkalde nga may Local Government Units nga madasig nga magpagwa sang abiso bangod nga malapit ang mga ini sa baybayon kag nagabatyag sang mas mabaskog nga ulan kag hangin.
Samtang, sa bahin sini every three hours ini nga nagahulat sang weather forecast para sa updates antes nga naggpagwa sang advisory.
Pahayag ni Familiaran, indi lahog-lahog ang pagdeklarar sang suspension of class kag dapat nga may basehan agud nga malikawan nga makwestyon ang desisyon.
